షాహిద్ - ఓ వెంటాడే జీవిత గాధ!!!

షాహిద్ - ఓ వెంటాడే జీవిత గాధ
గత వారం ప్రకటించిన 61వ జాతీయ సినిమా అవార్డుల్లో ఉత్తమ నటుడు, ఉత్తమ దర్శకత్వం కేటగిరీల్లో  షాహిద్ సినిమా విజేతగా నిలవడం   ఎవరికీ ఆశ్చర్యం కలిగించలేదు.  మానవ హక్కుల కార్యకర్తగా, న్యాయవాదిగా పనిచేసిన  షాహిద్ ఆజ్మి  నిజ జీవిత సంఘటనల  ఆధారంగా  తెరకెక్కించబడిన ఈ సినిమా, విడుదలైనప్పుడే చాలా గొప్ప సినిమాగా విమర్శకుల ప్రశంసలందుకుంది.  
షాహిద్ ఆజ్మీ 1977లో ముంబై లో ఓ దిగువ మధ్యతరగతి కుటుంబంలో పుట్టాడు. టీనేజ్ లో ఉన్నప్పుడు, 1992 లో బాబ్రీ మసీదు విధ్వంసం అనంతరం ముంబై లో  జరిగిన ముస్లిం వ్యతిరేక అల్లర్లను దగ్గరినుండి చూసిన షాహిద్ తీవ్రంగా చలించి పోయాడు.  దీనితో ఇంటి నుండి పారిపోయి పాక్ ఆక్రమిత  కాశ్మీర్లోని తీవ్రవాద సంస్థలో చేరి, కొన్నాళ్ళు ఆయుధాల్ని ఉపయోగించడంలో శిక్షణ పొందాడు.  కానీ, అమాయకుల్ని అమానుషంగా పొట్టనపెట్టుకునే  టెర్రరిజం కూడా సరైన విధానం కాదని తెలుసుకున్న  షాహిద్,   అక్కడి నుండి తప్పించుకుని ఇంటికి తిరిగి  వచ్చేశాడు.  అనంతరం , ఓ పట్టు బడిన తీవ్రవాది  వద్ద దొరికిన సమాచారం ఆధారంగా పోలీసులు షాహిద్ ని టాడా చట్టం కింద  అరెస్టు చేసి  తీహార్ జైలుకి తరలించారు.  ఏడేళ్ళు  తీహార్ జైల్లో   గడిపిన  షాహిద్ అక్కడే  ఇంటర్మీడియట్, గ్రాడ్యుయేషన్ పూర్తి చేశాడు.   జైలు నుండి విడుదలయ్యాక,   చేయని నేరానికి జైల్లలో మగ్గుతున్న అనేక మంది  నిర్భాగ్యుల్ని రక్షించాలనే లక్ష్యంతో  షాహిద్  న్యాయవాద విద్యను అభ్యసించాడు.   ముంబై లో ప్రముఖ క్రిమినల్ లాయర్ మాజిద్ మీనన్ దగ్గర కొన్నాళ్ళు సహాయకుడిగా పని చేసిన అనంతరం 2003 లో తానే సొంతంగా ప్రాక్టీసు మొదలు పెట్టాడు.   ఎక్కడ బాంబు దాడులు జరిగినా పోలీసులు కొందరు మైనారిటీ యువకుల్ని హడావుడిగా అరెస్టు చేసి తాము కేసును   ఛేదించామని  ప్రకటించేయడం,  అది పూర్తిగా యదార్థమన్నట్లుగా మీడియా మొత్తం  వారిని తీవ్రవాదులుగా  భావిస్తూ వార్తలు రాయడం, గత దశాబ్ధంలో అనేక కేసుల్లో జరిగింది.   షాహిద్ ఈ కేసుల్ని క్షుణ్ణంగా పరిశీలించేవాడు.  నిందితులు అమాయకులని తనకు నమ్మకం కుదిరాక వారి పక్షాన పోరాడటానికి ముందుకు వచ్చేవాడు.  2002 ఘట్కోపర్ బస్ బాంబు కేసు, 2006  ఔరంగాబాద్ కేసు, మాలేగావ్ కేసు, 2007 ముంబై లోకల్ ట్రైన్ కేసు వంటి అనేక కేసుల్లో  అమాయక నిందితుల పక్షాన వాదించి, వారు నిర్దోషులుగా విడుదల అవ్వడంలో కీలక పాత్ర పోషించాడు.  వీరిలో చాలామంది  కనీసం బెయిలు  అప్లికేషన్ రుసుము కూడా చెల్లించుకోలేని పేదలే.  వీరి నుండి ఏమాత్రం  ఫీజు ఆశించకుండా షాహిద్ వీరి పక్షాన పోరాడాడు.  షాహిద్ సాగిస్తున్న ఈ నిస్వార్థ పోరాటం  కొందరు మతోన్మాదులకి కంటగింపుగా మారింది.   తీవ్రవాద కేసుల్లో నిందితుల తరుపున వాదించడం మానుకోవాలని అతనికి రోజూ బెదిరింపు  ఫోన్లు వస్తుండేవి. అయినా  ఏ మాత్రం చలించకుండా షాహిద్ తన పని తాను చేసుకు పోతుండేవాడు.  చివరికి  2008 ముంబై పై  దాడి  కేసులో, కసబ్ బృందానికి సహకరించాడనే  ఆరోపణ మీద   అరెస్టు కాబడిన ఫాహీం అన్సారీ తరపున వాదిస్తున్నప్పుడు,  షాహిద్  ఆజ్మీని   అతని ఆఫీస్ లోనే కొందరు దుండగులు కాల్చి చంపారు.  ఇది జరిగిన 2 సంవత్సరాల తర్వాత , 2012 లో భారత సుప్రీంకోర్టు ఫాహిం అన్సారి ని నిర్దోషిగా విడుదలచేసింది. ఈ విధంగా ఏడేళ్ళ తన న్యాయవాద జీవితంలో మొత్తం 17 కేసుల్లో నిందితుల్ని  నిర్దోషులుగా విడుదల చేయించడం ఓ అద్భుతం. ఇన్ని ఆటుపోట్లని ఎదుర్కొని, ఇంతటి విజయాలను సాధించిన షాహిద్ వయసు మరణించేనాటికి కేవలం 33 సంవత్సరాలే.  షాహిద్ మరణం న్యాయదేవతకి తీరని లోటని చెప్పడం ఏ మాత్రం అతిశయోక్తి కాదు. కళియుగాంతం నాడు,  భగవంతుడు సమస్త ప్రాణుల్ని తిరిగి పుట్టిస్తాడనీ, అప్పుడు భూమిపై వారు చేసిన తప్పొప్పుల పట్టిక ప్రకారం వారికి స్వర్గమో, నరకమో నిర్దేశింపబడుతుందనీ చెప్తుంటారు.  అదే నిజమైతే,  అప్పుడు కొందరు తాము చేసిన తప్పుల్ని తలుచుకుని నరక భయంతో వణికి పోతుంటారు. మరికొందరు తాము చేసిన మంచి పనులకు కలగబోయే స్వర్గ సుఖాలకోసం ఆతృతతో ఎదురు చూస్తుంటారు. కానీ కొందరు మాత్రం,  తమకివేమీ పట్టనట్టు  భూమిపై తమ కళ్ళముందు జరిగిన అనేక అన్యాయాలు, అక్రమాల గురించి దేవున్ని నిలదీయాలని  కళ్ళల్లో ఎర్రని జీరతో, దేవుని వైపు వడివడిగా అడుగులు వేస్తుంటారు.  అలాంటి వారినే షహీద్  (అమరుడు) లంటారు. ఇంతటి గొప్ప జీవితాన్ని  యధాతదంగా తెరకెక్కించిన దర్శకుడు   హన్సల్ మెహత, షాహిద్ పాత్రలో జీవించిన రాజ్ కుమార్ యాదవ్ లు  మిక్కిలి ప్రశంసార్హులు.

మోడీకి సుప్రీం కోర్టు చ్లీన్ చిట్ , ఇచ్చిందా? లేదా?

గుజరాత్ హైకోర్టులో ఈ కేసుకు సంబంధించిన వాదనలు  ఈ నెల 11 న మొదలవబోతున్నాయి.

"మోడీకి అల్లర్లతో  సంబంధం లేదని సుప్రీం కోర్టు క్లీన్ చిట్ ఇచ్చింది"- ఇది  మోడీ మద్దతు దారులు తరచుగా చెప్పే మాట.  సుప్రీం కోర్టు ఏ కేసు విషయంలో, ఎప్పుడు ఈ క్లీన్ చిట్ ఇచ్చిందో ఎవ్వరూ చెప్పకున్నా,  అందరూ పదే, పదే అంటుండటంతో ఇది జనంలోకి బాగానే వెళ్ళింది. మోడీ ఇప్పుడు ప్రధాని రేసులో ఉన్నాడు కాబట్టి, ఈ అంశం గురించిన  నిజానిజాలను  అందరూ తెలుసుకోవలసిన అవసరం ఉంది. గోద్రా రైలు దహణం అనంతరం గుజరాత్ మొత్తం మీద అనేక చోట్ల సామూహిక జనహననం జరిగింది. వీటికి సంబంధించిన కొన్ని కేసుల్లో ఇప్పటికే విచారణ పూర్తై, దోషులకు శిక్షలు పడగా, ఇంకా అనేక కేసుల్లో విచారణలు జరుగుతున్నాయి. ఈ కేసులు వేటిలోనూ  మోడీ ముద్దాయి కాదు, మోడీ మీద ప్రత్యక్షంగా ఎలాంటి  ఆరోపణలూ లేవు. కాకపోతే గుల్బర్గ్ సొసైటీ కేసు మాత్రం వీటన్నిటికంటే ప్రత్యేకమైంది. గోధ్రా రైలు దహణం జరిగిన మరుసటిరోజు, అక్కడి అధికార BJP, VHP లాంటి సంస్థలు బంద్ కి పులుపునిచ్చాయి. ఆ రోజు ఉదయం నుండే, ముస్లింల నివాసాల చుట్టూ అల్లరి మూకలు  గుమికూడి  తీవ్రంగా నినాదాలిస్తూ, దాడులకు ఏర్పాట్లు చేసుకోవడం మొదలైంది. దాదాపు అందరూ ముస్లింలే నివాసం ఉండే అహ్మదాబాద్లోని గుల్బర్గ్ సొసైటీని కూడా అన్ని వైపులనుండి అల్లరిమూకలు చుట్టు ముట్టాయి. దీనితో భయభ్రాంతులకు గురైన ముస్లింలు, అదే కాలనీలో ఉంటున్న ప్రముఖ కాంగ్రెస్ నాయకుడు, మాజీ MP కూడా అయిన 70 సం, ల ఎహ్సాన్ జాఫ్రీ ఇంటికి చేరుకున్నారు. ప్రమాద తీవ్రతను అర్థం చేసుకున్న జాఫ్రీ, అహ్మదాబాద్ పోలీస్ కమీషనర్ పి.సి.పాండే ని సహాయం అర్థించాడు. పాండే జాఫ్రీ ఇంటికి వచ్చి భయపడాల్సిందేమీ లేదని భరోసా ఇచ్చి వెల్లారు. కానీ,ఆశ్చర్యకరంగా ఇంటి ముందు  అప్పటికే  గుమికూడిన అల్లరి మూకను చెదరగొట్టే ప్రయత్నం ఏదీ చేయలేదు. ఇక పాండే వెల్లగానే అక్కడి అల్లరి మూక చెలరేగిపోయారు. ఇంటికి బయటి నుండి నిప్పుపెట్టి, తలుపులు బద్దలుకొట్టి జాఫ్రీని అతని ఇంట్లో తలదాచుకోవడానికి వచ్చిన 69 మందిని సజీవ దహనం చేశారు. మృతుల్లో  స్త్రీలు, పిల్లలే అధికంగా ఉన్నారు. ఈ మొత్తం విధ్వంసం నిరాటంకంగా 4 గంటలు జరిగింది. తమను  రక్షించాల్సిందిగా  జాఫ్రీ ఉదయం నుండి గుజరాత్ ప్రభుత్వం లోని పెద్దలందరికీ ఫోన్లు చేస్తూనే ఉన్నారని,ముఖ్యమంత్రి ఆఫీసుకి కూడా  చాలా సార్లు ఫోన్ చేసి మాట్లాడారని   అక్కడ బతికి బయటపడ్డ ప్రత్యక్ష సాక్షులు చెప్తున్నారు.  దాడి జరిగిన సమయంలో ఇంట్లో లేకపోవడంతో, జాఫ్రీ భార్య జాకియా జాఫ్రీ ప్రాణాలతో బతికిపోయింది. అనంతరం ఆమె, తన భర్త మృతికి కుట్రదారులుగా పేర్కొంటూ మోడీతో పాటు సుమారు 60 మంది గుజరాత్ ఉన్నతాధికారులపై కంప్లైంట్ ఇవ్వడానికి ప్రయత్నిస్తే , ఆ ఆరోపణలు కేవలం ఊహాజనితమైనవనీ , ప్రాధమిక సాక్ష్యాలు లేవనీ పేర్కొంటూ, పోలీసులు  ఆ పిర్యాదును స్వీకరించలేదు. పోలీసుల్ని కేసు నమోదు చేయడానికి ఆదేశించాల్సిందిగా  గుజరాత్ హైకోర్టును ఆశ్రయించగా, అక్కడా  జాకియా జాఫ్రీకి నిరాశే ఎదురైంది. చివరి ప్రయత్నంగా జాఫ్రీ, సుప్రీంకోర్టు తలుపు తట్టగా, అసలు ఆమె ఆరోపిస్తున్నట్లుగా  మోడీ మరియు ఇతర ఉన్నతాధికారులపై కేసు నమోదు చేయడానికి కావలసిన కనీస సాక్ష్యాలు ఏమైనా ఉన్నాయో లేదో చూడాల్సిందిగా సుప్రీం కోర్టు, సిబి ఐ  మాజీ డైరెక్టర్ కె.రాఘవన్ ఆధ్వర్యంలోని  సిట్(స్పెషల్ ఇన్వెష్టిగేషన్ టీం) ని   ఆదేశించింది. రెండేళ్ళపాటు అనేక   సాక్షుల్ని విచారించి, అనేక  ఇంటెలిజెన్స్ రిపోర్టుల్ని పరిశీలించిన సిట్, వీటన్నిటినీ క్రోఢీకరించి   ఓ సుదీర్ఘ రిపోర్టును  తయారు చేసింది. కానీ అంతిమంగా, మోడీ పాత్రను నిరూపించే సాక్షాలేవీ లేవని నిర్ధారించింది. సిట్ తయారు చేసిన రిపోర్టును,   దాని సిఫార్సులను విష్లేశించడానికి సుప్రీం కోర్టు మరో సీనియర్ న్యాయవాది రాజు రామచంద్రన్ ని అమికస్ క్యూరి(కోర్టుకు సహాయకుడు)గా నియమించింది. సిట్ రిపోర్టును క్షున్నంగా  పరిశీలించిన రాజు రాంచంద్రన్,  ఆరోజు ముఖ్యమంత్రి అఫీసుకు వచ్చిన ఫోన్ కాల్స్  లాంటి   చాలా  ముఖ్యమైన అంశాల్ని సిట్  పరిగణలోకి తీస్కోలేదనీ, సిట్ రిపోర్టులోనే  మోడీ పాత్రపై అణుమానాలు కలిగించే   అంశాలు  అనేకం  ఉన్నాయనీ, కాబట్టి జాకియా జాఫ్రీ అడుగుతున్నట్లుగా కేసు నమోదు చేసి మరింత  లోతుగా  దర్యాప్తు చేస్తే అన్ని నిజాలూ బయటపడ్తాయనీ అభిప్రాయపడ్డారు. సుప్రీం కోర్టు, సిట్ రిపోర్టునూ, అమికస్ క్యూరీ రిపోర్టునీ తీసుకెల్లి అహ్మదాబాద్ మెజిస్ట్రేట్ కోర్టులో తదుపరి వాదనలు చేసుకోవాలని పంపించింది. ఇరువాదనలనూ విన్న మెజిస్ట్రేట్ కోర్టు, సిట్ వాదనను సమర్థించి మోడీపై కేసు నమోదుకు తగినంత ప్రాధమిక సాక్ష్యాలు లేవని తీర్పు చెప్పింది. జాఫ్రీ ఈ తీర్పుకి వ్యతిరేకంగా గుజరాత్ హైకోర్టులో అప్పీలు చేసింది. ఈ కేసు ఈ నెల 11న అక్కడ విచారణకు రానుంది. అక్కడ తీర్పు వ్యతిరేకంగా వచ్చిన పక్షంలో  జాకియా జాఫ్రీకి తిరిగి సుప్రీంకోర్టులో అప్పీలు చేసుకునే అవకాశం కూడా ఉంది. అక్కడ కూడా జాకియా జాఫ్రీ విన్నపం తిరస్కారానికి గురైతే, అప్పుడు మోడీకి సుప్రీం కోర్టు క్లీన్ చిట్ ఇచ్చిందని చెప్పవచ్చు. కానీ దానికి ఇంకా చాలా గడువుంది.   మరి ఇప్పుడు సుప్రీం కోర్టు మోడీకి క్లీన్ చిట్ ఇచ్చిందని చాటింపు వేసే వారు,  సుప్రీం కోర్టు నియమించుకున్న అమికస్ క్యూరీ మోడీకి వ్యతిరేకంగా సాక్ష్యాలున్నాయని చెప్పిన విషయం తెలియని వారో, లేక ఉద్దేశ్య పూర్వకంగానే ఆ విషయాన్ని దాయాలని చూస్తున్నవారో అయ్యుంటారు.  కాస్త ఆలస్యం కావచ్చునేమో కానీ, అంతిమంగా సత్యమే గెలుస్తుందని  భారత సుప్రీం కోర్టు అనేక సార్లు నిరూపించింది. సత్యమేవ జయతే.

జె.పి.,పవన్ కళ్యాన్ లు ఈ ప్రశ్నలకు బదులివ్వగలరా?

తమ పార్టీకి తప్ప  వేరే ఏ ఇతర పార్టీలకూ సిద్ధాంతాలు లేవనీ,  ప్రజాస్వామ్యాన్ని ఉద్ధరించటానికే తమ పార్టీ పుట్టిందనీ, గంగాజలం లాంటి తమ పార్టీ ఏ ఇతర పార్టీలతో పొత్తుపెట్టుకోదనీ  ఇన్నాల్లూ నీతి వచనాలు  ప్రవచిస్తూ వచ్చిన లోకసత్తా  అధినేత జయప్రకాశ్ నారాయణ,  ఇటీవల తనకు అకస్మాత్తుగా ఙ్నానోదయమైనట్లు    భాజపా తో పొత్తుకు సిద్ధమని ప్రకటించేశారు. ఇక కమ్యూనిస్టు విప్లవ యోధుడు  చేగువేరా బొమ్మతో జనసేనను ప్రకటించిన  పవన్ కళ్యాన్,  కమ్యూనిజానికి పూర్తి వ్యతిరేక భావజాలాలైన   కమ్యూనలిజం, క్యాపిటలిజంలకు నిలువెత్తు రూపమైన  మోడీ  భజన చేయడం మొదలుపెట్టాడు.  గుజరాత్లో వేల మంది అమాయకుల మృతికి కారకుడుగా మైనారిటీలు, సెక్యులరిస్టులూ విమర్శిస్తున్న నరేంద్ర మోడీకి  దేశాన్నేలే అన్ని అర్హతలు ఉన్నాయని  వీరిద్దరూ క్లీన్  సర్టిఫికేట్ కూడా ఇచ్చేశారు.  భారత దేశ రాజ్యాంగం తనకు గీత, బైబిల్, ఖురాన్ లాంటివనే  భారీ డైలాగుల్ని అలవోకగా  వల్లెవేసే   జె.పి,పవన్ లు , మోడీని వెనకేసుకొస్తున్నందుకు   లౌకిక వాదుల క్రింది ప్రశ్నలకు సమాధానం ఇవ్వాల్సి ఉంటుంది. 

1. మీరు రాజకీయాలు కలుషితమైపోతున్నాయని,  రాజకీయాల్లోకి నేరస్తులు ప్రవేశిస్తున్నారనీ  తెగ ఇదై పోతుంటారు. గుజరాత్ లో  97 మంది అమాయక స్త్రీలను, పిల్లల్ని నిర్దాక్షిన్యంగా చంపిన కేసులో  మాయా కొందానికి కోర్టు 28 సంవత్సరాలు  జైలు శిక్ష విధించింది.  ఈ నేరం 2002 లో జరగ్గా,    తీర్పు  2013లో వెలువడింది.  2007 లో ఈమెను  మోడీ స్త్రీ, శిశు సంక్షేమ శాఖా మంత్రిగా నియమించాడు. అల్లర్లలో ఆమె పాత్ర  ఉందనే విషయం తెలీని అఙ్నానం, అసమర్థత వల్ల  మోడీ ఆమెను మంత్రిని చేశాడా లేక,   ముస్లింలను చంపినందుకు ప్రతిఫలంగా ఆమెకు మంత్రి పదవి ఇచ్చాడా?    అవినీతి కంటే, అమాయకుల్ని చంపడం అనేది పెద్ద నేరమేమీ కాదని మీరు భావిస్తున్నారా? 
2.   మీరు బలమైన లోక్పాల్ వ్యవస్థ గురించి, అవినీతి గురించి TV స్టూడియోల్లో గంటలకొద్దీ మాట్లాడు తుంటారు. కానీ, మోడీ  గుజరాత్ లో లోకాయుక్తను నియమించకుండా పదేళ్ళపాటు  ఖాళీగా ఉంచాడు. చివరికి గుజరాత్ గవర్నర్ చొరవ తీసుకుని ఓ లోకాయుక్త ని నియమిస్తే, మోడీ  ఆ నియామకానికి వ్యతిరేకంగా గుజరాత్ హైకోర్టుని ఆశ్రయించాడు.  అక్కడ చుక్కెదురవడంతో, కోట్ల కొద్దీ ప్రజాధనాన్ని ఫీజుగా చెల్లించి  రాం జెఠ్మలానీ ని లాయర్ గా పెట్టుకుని సుప్రీం కోర్టుకి వెల్లాడు. అక్కడ కూడా రాష్ట్ర ప్రభుత్వానికి వ్యతిరేకంగా తీర్పు రావడంతో,  విధిలేని పరిస్తితుల్లో హడావుడిగా గుజరాత్ లోకాయుక్త   చట్టాన్ని సవరించి, తూ తూ మంత్రంగా లోకాయుక్త నియామకాన్ని కొన్ని నెలల క్రితం పూర్తి చేశాడు.   ఇప్పుడు మీరు మోడీని సమర్థిస్తున్నారు కాబట్టి  ఈ విషయంలో మోడీ  విధానమే సరైనదని మీరు భావిస్తున్నారా?
3. భారత రాజ్యాంగ ఔన్నత్యం గురించి మీరు అనర్గళంగా  ప్రసంగిస్తుంటారు. ఏవరైనా  చట్ట వ్యతిరేక చర్యలకు పాల్పడితే వారిని శిక్షించే అధికారం  రాజ్యాంగం ప్రకారం న్యాయస్థానాలకు ఇవ్వబదింది.   కానీ మోడీ  పాలనలోని గుజరాత్లో అనేకమంది మైనారిటీ యువకుల్ని కేవలం టెర్రరిస్టులనే  అనుమానం మీద పోలీసులు కాల్చిచంపడం జరిగింది. మృతుల్లో కొందరికి టెర్రరిజం తో ఎలాంటి సంబంధం లేదని ఇప్పటికే నిరూపించబడింది. మిగతా కేసులు కూడా వివిధ దశల్లో విచారణలో ఉన్నాయి. నకిలీ ఎంకౌంటర్ల  అభియోగంపై సుమారు  20 మంది గుజరాత్ ఉన్నత స్థాయి  పోలీసు అధికారులు సస్పెండ్ కావడమో జైలు  శిక్ష అనుభవించడమో జరిగింది.  గుజరాత్లో శాంతి భద్రతలు ఈ  స్థాయిలో విఫలమవడంలో ఆ రాష్ట్ర ముఖ్యమంత్రితో  బాటు హోం శాఖను కూడా వెలగబెడుతున్న మోడీ పాత్ర లేదంటారా?
4. మీరు టి.వి. చర్చల్లో ఏ విషయాన్ని ఐనా హేతుబద్ధంగా విశ్లేషిస్తుంటారు. అదే హేతుబద్ధత ఆధారంగా దీనికి సమాధానం చెప్పండి. ఓ  విద్యార్థి 9వ తరగతివరకు  ప్రతి ఏడూ మంచి మార్కులు సాధిస్తే,  10 వ తరగతిలో కూడా మంచి మార్కులే సాధిస్తాడు.  ఆ మాత్రం దానికి కేవలం తనవల్లే అతనికి మంచి మార్కులు వచ్చాయని   10వ  తరగతి టీచరు చాటింపు వేస్తే ఎలావుంటుంది? ఆ  విద్యార్థి అన్ని తరగతుల్లోనూ మంచి మార్కులు సాధించిన విషయం  తెలీని అమాయకులు ఎవరైనా ఆ  టీచర్ని నమ్మితే ఆది వేరే  విషయం. కానీ,  బ్రిటీష్ వారి కాలం నుండే  గుజరాత్ పారిశ్రామికంగా ఇతర రాష్ట్రాల కన్నా ఏంతో అభివృద్ధి చెందిందనే విషయాన్ని సివిల్ సర్వీసెస్ పుస్తకాలలో చదువుకున్న మీరు కూడా మోడీ కారణంగానే గుజరాత్ అభివృద్ధి చెందిందనే  నిర్ణయానికి ఎలా వచ్చారనేదే ఆశ్చర్యకరం. బాల  బాలికల్లో పౌష్టికాహార లోపం,  గ్రామీణ విద్య, వైద్యం లాంటి అనేక సంక్షేమ రంగాల్లో  గుజరాత్ స్థాయి  నానాటికీ  దిగజారిపోతున్న   విషయం మీ దృష్ఠికి రాలేదా? లేక అధిక పారిశ్రామికాభివృద్ధి ముందు,  ఇవన్నీ పెద్దగా పట్టించుకోవలసిన అంశాలు కాదని మీ అభిప్రాయమా?
5.కొన్నేళ్ళక్రితం వచ్చిన 'ఒకే ఒక్కడు '  సినిమాలో ఒక సీన్ ఉంటుంది.  అందులో టి.వి. వ్యాఖ్యాతగా పనిచేసే  కధానాయకుడు,  విలన్ పాత్రధారి అయిన రాజకీయనాయకుడ్ని కొన్ని ఇబ్బందికర ప్రశ్నలు   అడుగుతాడు. వాటికి సమాధానాలు చెప్పలేని  ఆ రాజకీయ నాయకుడు ఆ ఇంటర్వూ మధ్యలోనే  ఆపేసి   స్టూడియో నుండి వెల్లిపోతాడు.  'గుజరాత్ అల్లర్లలో  అన్ని వేల మంది అమాయకులు మరణించినందుకు మీరు చింతిస్తున్నారా?' అని విలేఖరి కరన్ ధాపర్ అడిగిన  ప్రశ్నకు సమాధానం ఇవ్వడానికి ఇష్టపడని మోడీ,  విలన్ రఘువరన్ లాగానే  స్టూడియో నుండి హడావుడిగా వెల్లిపోయాడు.  దీనికి సంబంధించిన వీడియోలు ఇప్పటికీ యూటూబ్ లో ఉన్నాయి.  గోధ్రా రైలు దహనంలో,  అనంతరం జరిగిన అల్లర్లలో మరణించిన కొద్దిపాటి హిందువుల  కుటుంబ సభ్యుల్ని పరామర్శించటంలో ఏ మాత్రం ఆలస్యం చేయని మోడీ,  అల్లర్లలో మరణించిన అమాయక ముస్లింల కుటుంబాలను మాత్రం ఇప్పటికీ కలవలేదు, వారికి కనీస సానుభూతిని కూడా ప్రకటించలేదు.  మోడీ మతోన్మాదం ఇంత స్పష్టంగా కనిపిస్తున్నా మీలాంటి వారి కళ్ళకి అతను సెక్యులరిస్టుగా కనిపించడం విచారకరం. అమాయకుల చావుల విషయంలో, చనిపోయిన వారి మతాన్ని బట్టి, ఒక్కో మతానికి ఒక్కో రకంగా స్పందిస్తున్న మోడీ లాంటి మతోన్మాది  భారత్ లాంటి భిన్నత్వంలో ఏకత్వాన్ని నమ్మే దేశానికి ఎలా ప్రధానిగా అర్హుడని మీరు భావిస్తున్నారు?
నిజానిజాలతో సంబంధం లేకుండా గోబెల్స్ ప్రాపగాండా సఫలీకృతం అవడం, వ్యక్తి పూజ, అధికారం  అంతా  ఒకే వ్యక్తి చేతిలో కేంద్రీకృతం కావడం లాంటివి అంతిమంగా  దేశాన్ని నియంత పాలనలోకి నెట్టేస్తాయనే విషయం  ఇందిరా గాంధీ ఎమర్జెన్సీ తో నిరూపితమైంది.  అప్పుడు లోక్ నాయక్ జయప్రకాష్ నారాయణ లాంటి  ఎందరో నాయకుల పోరాటాల ఫలితంగా మళ్ళీ దేశంలో ప్రజాస్వామ్యం  పునరుద్ధరింపబడింది. కానీ, అదే పేరు పెట్టుకున్న   లోక్ సత్తా జె.పి  మరో కాబోయే నియంత పాలనకి మంగళహారతులివ్వడం శోచనీయం.   నిజానికి పైన అడిగిన ప్రశ్నలు, మోడీని  డైరెక్టుగా అడగాలని, అతని నుండి సమాధానాలు రాబట్టాలని చాలా మంది జర్నలిస్టులు ప్రయత్నిస్తున్నారు.  కానీ, మోడీ ఇలాంటి వారికి ఇంటర్వ్యూలు ఇవ్వడు. కేవలం తనకు అనుకూల వార్తలు రాసే మీడియాల్లోనే, అది కూడా తాను  ముందుగా  ఎంచుకున్న ప్రశ్నలకు మాత్రమే  అందమైన సమాధానాలు ఇస్తారు. ఇక ఆ తర్వాత వందల  కోట్లు చెల్లించి ఏర్పాటు చేసుకున్న ప్రాపగాండా ఏజెన్సీలు  ఆ అందమైన సమాధానాల్ని సోషల్ నెట్వర్కింగ్ సైట్ల ద్వారా ప్రజల్లోకి తీసుకెళ్తాయి. 
 ఈ వ్యూహం ఇప్పటిదాకా విజయవంతం కాబట్టే, మోడీ  వస్తే ఏదో ఉద్ధరిస్తాడనే భ్రమలు అనేక మందిలో కనిపిస్తున్నాయి.  కానీ,  తాము అందరికంటే చాలా విభిన్నమైన వారమనీ, తమకు గొప్ప, గొప్ప  విలువలు, సిద్ధాంతాలు ఉన్నాయనీ ప్రగల్బాలు పలికే  జె.పి, పవన్ కళ్యాన్ లాంటి వారైనా, మోడీ తప్పించుకు తిరుగుతున్న ప్రశ్నలకు సమాధాన మివ్వాల్సిన అవసరం ఉంది.

'కొనిదెల' కాదు, 'కరివేపాకు' కరెక్టు.

'కొనిదెల' కాదు,  'కరివేపాకు'  కరెక్టు.
వీడికి  తిక్కుందని అందరికీ తెలుసు కానీ, అది ఈ రేంజ్ లో ఉందని ఇప్పుడిప్పుడే అర్థమవుతుంది.  ఇక వీడి తిక్క వెనకాల ఉన్న లెక్కలేమిటో  చంద్రబాబుకు, రామోజీరావుకే తెలియాలి.  ఎందుకంటే వీడి తిక్క వాగుడు అంతిమంగా వీరికి మాత్రమే ఉపయోగకరంగా ఉంది కాబట్టి.  ఏప్రెల్ ఫూల్స్ డే రోజున  ఈనాడు పత్రికలో వీడి తిక్క ఇంటర్యూ  అర పేజీ నిండా వచ్చింది.  మొత్తానికి దాని సారాంశం ఏంటంటే,  కాంగ్రెస్సు, జగన్,కె.సి.ఆర్.కమ్యూనిస్టులు  వీల్లంతా వేస్ట్,    ఇక్కడ చంద్రబాబు, అక్కడ మోడీ  వీల్లిద్దరే నిఖార్సైన నాయకులు.   వీడి తిక్క లాజిక్కులు ఏ రేంజ్ లో ఉన్నాయో వీడిచ్చిన ఒక ఆన్సర్ ని బట్టి చెప్పేయొచ్చు.
ప్రశ్న:  మోడీ పై మతవాద ముద్ర ఉంది కదా. ఆయనకు ఎలా మద్దతిచ్చారు?
తిక్కోడి సమాధానం:  నా దృష్టిలో కాంగ్రెస్ కంటే మోడీ యే నిజమైన లౌకికవాది. నేనొక దిక్కుమాలిన సినిమా షూటింగ్ కోసం  గుజరాత్ వెల్లినప్పుడు, అక్కడ ఒక హోటల్ లో బస చేశాను. దాని యజమాని ఓ ముస్లిం.  ఆయనతో మాట్లాడిన సంధర్భంలో  ఆయన మోడీ మహాత్ముడని చెప్పారు.   ఇక మోడీ  సెక్యులరిస్టని చెప్పడానికి ఇంతకంటే ఏం కావాలి.
అదీ విషయం.  గుజరాత్లో  బిజినెస్ చేసేవాల్లు ఎవరైనా అక్కడ పదేళ్ళనుండీ  ముఖ్యమంత్రిగా ఉన్న వ్యక్తి గురించి చెడుగా మాట్లాడుతారా? మాట్లాడి సుఖంగా బతక గలుగుతారా? మనసులో ఎలాంటి ఫీలింగ్స్ ఉన్నా, పైకి మాత్రం అంతా బాగుందనే అంటారు.  మన తిక్కోడికి ఆ మాత్రం కామన్ సెన్స్ ఉంటే కదా.  ఇంకా నయం.  గాంధీ కంటే గాడ్సే గొప్ప వాడనీ, గాంధీని  చంపి అతను చాలా మంచి పని చేశాడనీ చెప్పే  ఖాకీ  నిక్కర్ బ్యాచ్ వాల్లు  కూడా దేశంలో చాలా మంది ఉన్నారు.    మన తిక్కోడు అలాంటి వారితో మాట్లాడి  మన జాతిపిత గాంధీ కాదు, గాడ్సే  అనే స్టేట్మెంటు ఇచ్చేయలేదు.
ఇట్టాంటి దేడ్ దిమాఖ్ గాడి సినిమా టిక్కెట్లకోసం ఎగబడిన నా గత చరిత్ర మీద నాకే కంపరం పుడుతుంది.
అప్పట్లో వీల్ల అన్న పార్టీ పెట్టాడు, అది ఓట్ల  చీలికకు దారితీసి యై.యస్.ఆర్ కి ఉపయోగపడింది.
ఆ పార్టీని తీసుకెల్లి కాంగ్రెస్ లో కలిపాడు, అది  జగన్ దెబ్బకు పడిపోతున్న ప్రభుత్వాన్ని కాపాడు కోవడానికి సోనియాకు ఉపయోగపడింది.
ఇప్పుడు  ఈ మేధావి పెట్టిన పార్టీ ఎవరి ఉపయోగం కోసమో  తెలుస్తూనే ఉంది.  అందుకే వీల్ల ఇంటి పేరు 'కొనిదెల ' కాకుండా 'కరివేపాకు ' అని ఉంటే బాగా సూటవుద్దేమో అనిపిస్తుంది.

ఇవాల్టి ఆంధ్ర జ్యొతిలో అద్భుత వ్యాసం.

ఇవాల్టి ఆంధ్ర జ్యొతిలో  అద్భుత వ్యాసం. -
వి. యస్. రవి అనే ప్రవాస భారతీయుడు రాసిన  ఆలోచనాత్మక వ్యాసం ఇవాల్టి ఆంధ్రజ్యోతిలో ప్రచురితమైంది.  నేను అనేక పర్యాయాలు చర్చించిన  మోడీ శిష్యురాలు,  నరహంతక  మంత్రి మాయా కొండాని అంశంతో పాటు,   మోడీకి వివిధ వర్గాలు, వ్యక్తులు  ప్రకటిస్తున్న  మద్దతు వెనకున్న స్వార్థ రాజకీయాల్ని కూడా ఈ వ్యాసం చక్కగా విశ్లేషించింది. ముఖ్యంగా  చివరి పేరాలో  JP లాంటి   కుహన మేధావులపై  రాసిన వాక్యాలు చాలా సహేతుకంగా ఉన్నాయి. ఇంత అద్భుత వ్యాసాన్ని రాసిన రచయితకు, ప్రచురించిన   ఆంధ్యజ్యోతి  యాజమాన్యానికి  ధన్యవాదాలు. 

చరిత్ర పునరావృతం కాబోతుందా..?

1933 లో హిట్లర్  జర్మనీ అధ్యక్ష పగ్గాలు చేపట్టే నాటికి  యూరప్ లో యూదుల మొత్తం జనాభా 90 లక్షలు.  యూదులపై విద్వేషం నరనరానా జీర్ణించుకున్న హిట్లర్ , వారికి వ్యతిరేకంగా ఓ పద్ధతి ప్రకారం సాగించిన   నరమేధం వల్ల వారి జనాభా పదేళ్ళలో 30 లక్షలకి పడిపోయింది.  రెండవ ప్రపంచ యుద్ధంలో జర్మనీ  ఘోరంగా ఓడిపోయి, హిట్లర్ ఆత్మహత్య చేసుకున్నాక  కానీ   ఈ జనహననం ఆగలేదు.  'నాజీ '  అనే పదానికి ఎప్పటికీ చెరగని రక్తపు  మరకలు అంటించడమే కాక,  రెండవ ప్రపంచ యుద్ధానికీ, తద్వారా కలిగిన అనంత ప్రాణ,ఆస్తి నష్టానికి  ప్రపంచం ముందు జర్మనీని దోషిగా నిలబెట్టిన హిట్లర్,  నిజానికి ఒకప్పుడు జర్మనీ  ప్రజలకు అత్యంత ఆరాధ్యనీయుడు.  సహజంగా రాచరిక వ్యవస్థల్లోనో,  దొడ్డిదారుల్లో అధికారంలోకి వచ్చిన సైనిక నియంతల్లోనో  కౄరులైన పాలకులుంటారు. కానీ, హిట్లర్ పూర్తి ప్రజాస్వామ్య యుతంగా ఎన్నికైన నేత. హిట్లర్ లాంటి  రక్త పిపాసిని నాజీలు ఎందుకు ఓట్లేసి ఎన్నుకున్నారనే అంశం  మీద అనేక పరిశోధనలు కూడా జరిగాయి.  1918 లో ముగిసిన మొదటి ప్రపంచ యుద్ధం తర్వాత జర్మనీ ఆర్థిక వ్యవస్థ చిన్నాభిన్నమైంది.అక్కడ  నిరుద్యోగం, ఆకలి చావులు సర్వ సాధారణమైపోయాయి.  సూపర్ ఇన్ ఫ్లేషన్ ఫలితంగా కనీస వస్తువుల ధరలు గంట గంటకూ పెరుగుతూ పోతుండేవి.  ఇలాంటి పరిస్థితుల్లో సుస్థిర పాలన, ఆర్థికాభివృద్ధిని అందిస్తాననే నినాదంతో హిట్లర్ రాజకీయ రంగ ప్రవేశం చేశాడు.  సహజంగానే అధ్భుతమైన  వక్త కావడంతో, దేశభక్తిని రంగరించి హిట్లర్ చేసే ఉపన్యాసాలను జనం మైమరచి వినేవారు.  కమ్యూనిస్టులు, యూదులు వంటి మైనారిటీ నాజీయేతరుల పట్ల  తన ఏహ్యభావాన్ని అనేక మార్లు బహిరంగంగానే ప్రకటిస్తున్నప్పటికీ,  ఆకలితో అలమటిస్తున్న నాజీలకు ఆర్థికాభివృద్ధి తప్ప మిగతా ఏ విషయాలు అంత ప్రముఖమైనవిగా అనిపించేవి కాదు.  దీని ఫలితంగా హిట్లర్ లోని అవలక్షణాలను పెద్దగా పట్టించుకోని నాజీలు రెండు సార్లు అఖండ మెజారిటీతో   జర్మనీ చాన్సలర్ గా  గెలిపించారు.హిట్లర్ ఎన్నికల్లో గెలిచాక, బందులు, ధర్నాలను నిషేధించడం,  కార్మిక సంఘాలను రద్దు చేయడం,   సైనిక ఆయుధ కర్మాగారాలను భారీ ఎత్తున స్థాపించడం వంటి చర్యల వల్ల  పారిశ్రామికాభివృద్దిని  సాధించాడు గానీ,  ఆ అభివృద్ధికి జర్మనీ ప్రజలు అసాధారణ మూల్యాన్ని చెల్లించాల్సి వచ్చింది. 
ఇక ప్రస్తుత భారత రాజకీయాలకు వస్తే,  భారత ప్రధాన ప్రతిపక్షం తరపున బరిలో ఉన్న ప్రధాని అభ్యర్థి నరేంద్ర మోడీ ని  హిట్లర్తో పోల్చడం  చాలా మంది పాఠకులకి నచ్చకపోవచ్చు. కానీ,  గుజరాత్ ముఖ్యమంత్రిగా మోడీ హయాంలో జరిగిన అల్లర్లకు, మానవ హక్కుల ఉల్లంఘనలకు  బాధ్యులు ఎవరనే విషయం లెక్కతేలకుండా   మోడీని ప్రధాని పీఠం పై కూర్చోబెట్టడమంటే చరిత్రలో నాజీలు చేసిన పొరబాటునే  ఇక్కడ కూడా  పునరావృతం చేసినట్లు అవుతుంది.  మోడీని ప్రధాని అభ్యర్థిగా   సమర్థిస్తున్న వారి నుండి  రెండు రకాల వాదనలు ప్రముఖంగా వినిపిస్తుంటాయి. అవి . 1. గుజరాత్ అల్లర్లలో  మోడీ పాత్ర ఏ మాత్రం లేదని వాదించేవారు.  ఇప్పటిదాకా ఏ కోర్టూ మోడీ మీద ఆరోపణలను నిర్ధారించలేదనే విషయాన్ని వీరు ప్రముఖంగా ప్రస్తావిస్తుంటారు. ఈ వాదనలో కొంత హేతుబద్ధత లేకపోలేదు. కాకపోతే,  వీరు మరికొన్ని హేతుబద్ధ ప్రశ్నలకు, కనీసం తమకు తాము జవాబు చెప్పుకోవాల్సి ఉంటుంది. 59 మంది అమాయకుల్ని బలిగొన్న గోధ్రా రైలు దహణం ముమ్మాటికీ ఓ హేయమైన చర్యే.   సమర్థుడైన, బలమైన నాయకుడనే వారు ఎవరైనా   దీనిపై  నిష్పాక్షిక,శీఘ్రతర విచారణ  జరిగే ఏర్పాట్లు చేసి, బాధ్యులను గుర్తించి వారికి అత్యంత కఠిన శిక్షలు విధించేలా చేయగలగాలి. కానీ, గోధ్రా రైలు దహణం మీద విచారణకై మోడీ ప్రభుత్వం 2002 లో నియమించిన నానావతి కమీషన్ 12 ఏళ్ళ తర్వాత కూడా  ఇప్పటికీ విచారణను పూర్తి చేయలేదు. ఈ పన్నెండేల్ళు  గుజరాత్ లో ప్రభుత్వాన్ని నడిపిస్తున్న మోడీ  ఈ జాప్యానికి ఏం సమాధానం చెబుతారు.  గోధ్రా   రైలు దహణం చేసిన వారిని  శిక్షించడం సంగతి అటుంచితే,   రైలు దహనం అనంతరం  గుజరాత్ మొత్తం  మీద 3 రోజుల  పాటు  యదేచ్చ్చగా జరిగిన  అల్లర్లలో, గుజరాత్ అధికారిక లెక్కల ప్రకారమే   1044 మంది  అమాయక పౌరులు చంపబడ్డారు. వీరిలో 254 మంది హిందువులు  కూడా ఉన్నారు. గాయపడిన, కనిపించించకుండా పోయిన, నిరాశ్రయులైన వారి సంఖ్య వేలల్లో ఉంటుంది. గుజరాత్ లాంటి చిన్నరాష్ట్రం లోనే, ఒక దుర్ఘటన తర్వాత శాంతి భద్రతల్ని అదుపు చేయలేని వ్యక్తి,   నిత్యం  నక్సలిజం, తీవ్రవాదం,   మరియు వివిధ వేర్పాటు వాద ఉద్యమాలను ఎదుర్కొంటున్న  భారత్ లాంటి  సువిశాల దేశానికి ఏ విధంగా సమర్థ నాయకత్వాన్ని అందివ్వగలడు?
ఇక  మత కలహాలు, మానవహక్కులు వంటి వాటిని ఏమాత్రం పట్టించుకోకుండా, కేవలం ఆర్థికాభివృద్ధి నినాదంతో మోడీ ని సమర్థిస్తున్న  మరో వర్గం దేశంలో క్రమంగా పెరుగుతుంది.  వీరికి సంబంధించినంత వరకు,   రైలు దహనంలో కొంతమంది హిందువులు మరణించారు,  దానికి ప్రతిగా మరికొంతమంది ముస్లింలు చంపబడ్డారు. రెండింటికీ  లెక్క సరిపోయింది. దీనిలో మోడీ పాత్ర ఉందా లేదా అనేది వీరికనవసరం.  అసలు ఆ  కేసుల గురించి విచారణలు కూడా  కేవలం కాంగ్రెస్ కుట్రలే అంటారు వీరు. అక్కడ  అమాయకులపై జరిగిన అనేక  ఫేక్ ఎంకౌంటర్లు, మానవ హక్కుల ఉల్లంఘనలు అసలు  చర్చించు కోవలసిన అంశాలే కాదంటారు.   మోడీ గుజరాత్ లో వేశాడంటున్న విశాలమైన రోడ్లు,  పెద్ద, పెద్ద కంపెనీలు, ఫ్యాక్టరీలు  ఇవే తమకు ముఖ్యమనే విషయాన్ని ఏ మాత్రం సంకోచం, మొహమాటం  లేకుండా చెబుతారు. ఇలా చెప్పేవారు, మొదటి ప్రపంచయుద్ధానంతర నాజీల వలే  ఉద్యోగం లేక నైరాశ్యంలో ఉన్న నిరుద్యోగులో,  కటిక దారిధ్ర్యంలో ఉన్నవారో అయితే, మానవహక్కులు, సమన్యాయం వంటి అంశాలపై వీరి నిరాసక్తతను అర్థం చేసుకోవచ్చు.  కానీ,   ఉన్నత విద్యావంతులు,    అధిక జీతాలు తీసుకుంటున్న ఐ.టి. ఉద్యోగులు, ఆర్థిక సరళీకరణల ఫలితాల్ని అనుభవిస్తున్న ఎగువ మధ్యతరగతి ప్రజలు  కూడా ఇలాంటి అభిప్రాయాల్ని కలిగి ఉండటం ఒకప్పటి నాజీలకన్నా ప్రమాదకరమైన ధోరణి. అందుకే  ప్రస్తుతం దేశంలో జరుగుతున్న రాజకీయపరిణామాలు,  మైనారిటీల్లోని ఆలోచనాపరుల్ని, సెక్యులరిస్టుల్ని భీతావహుల్ని చేస్తున్నాయి.
ఇటీవలి ఒక సర్వేలో,  ప్రస్తుత తరం నాజీలు హిట్లర్ కాలం నాటి  తమ చరిత్ర గురించి పూర్తి అపరాధ భావంతో కుమిలిపోతున్నారని తేలింది.  హిట్లర్ పార్టీ పేరైన 'నాజీ ' , స్వస్తిక్ గుర్తు  లాంటివి ఇప్పుడు అక్కడ పూర్తి నిషిధ్ధం.  ఆర్యన్ జాతికే ప్రపంచంపై ఆధిపత్యం వహించే  హక్కువుందని జీవితాంతం  విర్ర వీగిన హిట్లర్, జర్మనీని వినాశనం వైపుకు పయనింపజేసి చివరికి తన పిస్తోలుతో తానే కాల్చుకుని ఆత్మహత్య చేసుకున్నాడు.   గోబెల్స్ ప్రచారం ఆధారంగా,  హిట్లర్ నిర్మించిన ఊహల సౌధంలో విహరించిన నాజీలకు, నిజం కల్ల ముందు సాక్ష్యాత్కరించేటప్పటికి  బూడిద, రక్తపు మరకలు తప్ప మరేం మిగల్లేదు.  ఈ 21 వ. శతాబ్ధంలో మళ్ళీ చరిత్ర పునరావృతం కాబోతుందా..?
 ===
Added
2002 లో జరిగిన అల్లర్లో, నరోడా పాటియా అనే కాలనీలో 90 మందిని సజీవ దహనం చేసిన కేసులో మాయాకొందాని అనే ఆవిడకి కోర్టు గతేడాది యావజ్జీవ కారాగార శిక్ష విధించింది. ఈ పదేల్లూ ఆమె మోడీ క్యాబినెట్లో మంత్రి గా ఉండింది. ఇప్పుడు ఈ క్రింది రెండింట్లో ఏది సరైనదో మీరే చెప్పండి.
A. మోడీకి, అల్లర్లలో ఆవిడ పాత్ర ఉందనే విషయం తెలీదు.
B. ఆవిడ పాత్ర ఉందనే విషయం తెలుసు, అయినా ఆమెని మంత్రిని చేశాడు.
మీ ఆప్షన్ A అయితే, దానర్థం గుజరాత్ లాంటి చిన్నరాష్ట్రం, సొంత రాష్ట్రం లోనే 90 మందిని చంపిన ముద్దాయి తన పక్కనే తిరుగుతున్నా తెలుసుకోలేని వెధవ, అమాయకుడు, మూర్ఖుడు. అనే కదా.అలాంటోడు మన దేశ ప్రధానా.? సిగ్గు. సిగ్గు.
మీ ఆప్షన్ B అయితే, దానర్థం 90 మంది అమాయక స్రీలను, పిల్లల్ని చంపిన ఓ కిరాతకురాలిని మంత్రిని చేశాడంటే ఇక మోడీ ఎంత నరరూప రాక్షసుడో వేరే చెప్పాలా..? ఇట్టాంటోడు భారత దేశ ప్రధానా..? భారత జాతికి ఇంత కంటే అవమానం ఉంటుందా? 

ఎన్ కౌంటర్ హీరోలు !!!

'నిన్ను ఎన్ కౌంటర్లో లేపేస్తా' -  ఇది దాదాపు అన్ని భారతీయ భాషల్లోని సినిమాల్లోనూ , పోలీసు పాత్రలు చెప్పే  కామన్ డైలాగ్. ఇది ఎంతగా కామన్ అయిందంటే, ఏ మాత్రం ఇంగ్లీష్ రాని వారికి కూడా ఎన్  కౌంటర్ అనగానే, అదేదో బాగా తెలిసిన పదంలా, సమాజానికి మేలు చేసే  ఓ పవిత్ర కార్యమనే భావన కలిగేంతగా ఇది పాపులర్ అయింది.  ఎన్ కౌంటర్లకు పాల్పడిన పోలీసు అధికారుల జీవితాలే ఇతివృత్తంగా అనేక సినిమాలు కూడా రావడంతో, ఎన్ కౌంటర్ చేసేవారందరూ సినిమా హీరోల్లా నిజాయితీ కల పోలీస్ ఆఫీసర్లు  ఐనట్లూ,  ఎన్ కౌంటర్ లో చంపబడ్డవారందరూ సంఘ విద్రోహులైనట్లూ జనం ఆటోమాటిక్ గా నమ్మే పరిస్తితి ప్రస్తుతం నెలకొని ఉంది.  ఆక్స్ ఫర్డ్  డిక్షనరీ ప్రకారం 'ఎన్ కౌంటర్' అంటే, అనుకోకుండా, అప్రయత్నంగా జరిగే ఓ సంఘటన.  పోలీస్ పరిభాషలో 'ఎన్ కౌంటర్ కిల్లింగ్' అంటే, మరణ శిక్ష విధించదగిన తీవ్రత గల కేసుల్లో  అనుమానితున్ని పట్టుకునే క్రమంలోనో లేదా  అతడి బారి నుండి తమని తాము కాపాడుకునే ప్రయత్నంలోనో   ఆ అనుమానితుడు/నిందితుడు చనిపోవడం. తీవ్రవాదం, నక్సలిజం, మాఫియా లాంటివి పెచ్చుమీరుతున్న ప్రస్తుత సమాజంలో, వీటిని అరికట్టే క్రమంలో పోలీసులు ఎన్ కౌంటర్ లకి పాల్పడటం కొన్ని సార్లు తప్పని సరి కావచ్చు. దీనిని ఎవరూ తప్పు పట్టలేరు, పైగా ప్రాణాలకి తెగించి  విధులని నిర్వర్తిసున్న  అటువంటి అధికారులని నిజంగా అభినందించవలసిందే.
కానీ ఇటీవల తరచుగా వార్తల్లో వినిపిస్తున్న మరో పదం - 'ఫేక్ ఎన్ కౌంటర్లు'.  అంటే , అప్పటికే పోలీసుల అదుపులో ఉన్న నిందితుల్ని, కోర్టుల్లో హాజరు పరచకుండా, పోలీసులే చంపేసి, మృత దేహాల్ని  దూరదూరంగా పడేసి, వాటి పక్కన పిస్టల్లు , గ్రనేడ్లు లాంటివి ఉంచి సన్ని వేశాన్ని రక్తి కట్టించడం.  అనంతరం ప్రెస్ మీట్ ఏర్పాటు చేసి, మరణించినవారు వారు  ఫలానా దళ సభ్యులనో,  ఫలానా గ్రూపు తీవ్రవాదులనో  చెప్పి, వీరిని ఎంకౌంటర్  చేయడం ద్వారా తాము ఓ  ఘనకార్యం చేశామని ప్రకటించేసుకోవడం.    జాతీయ మానవ హక్కుల కమీషన్  నివేదిక ప్రకారం, గడచిన నాలుగు సంవత్సరాలలో ఇలాంటి ఫేక్ ఎంకౌంటర్లు 550 జరిగాయి.   ఈ కేసుల్లో  చంపబడ్డ వారందరూ నిజంగా నేరస్తులేనా,  ఒకవేళ నేరస్తులే ఐతే ఆ నేర తీవ్రత ఎంత, దానికి తగ్గ శిక్ష ఏంటి,  ఇది తేల్చడానికి న్యాయస్థానాలు ఉండగా, పోలీసులే శిక్షలు  నిర్ధారించడం ఏమిటి,   ఒక వేళ ఆ చంపబడ్డ వారిలో ఎవరైనా అమాయకులు ఐతే, వారి చావుకు బాధ్యులు ఎవరు,  ఆ బాధితుల కుటుంబాలకు స్వాంతన చేకూరేది ఎలా?  అనేవి ఆలోచించాల్సిన ప్రశ్నలు. కానీ,  నానాటికీ విలువలు మంట గలిసిపోతున్న ప్రస్తుత తరుణంలో  ఓ ఎన్ కౌంటర్, నకిలీదని తెలిసినా దానిని సమర్థించే వారి సంఖ్య గణనీయంగా ఉండడం , అందులోనూ ఉన్నత  విద్యావంతులే అధికంగా ఉండటం  శోచనీయం.  నేర విచారణలో విపరీత జాడ్యం, మత రాజకీయాలు విచారణా ప్రక్రియకి ఆటంకాలు కలిగించడం లాంటివి నకిలీ ఎంకౌంటర్ లని సమర్థిస్తూ వీరు వినిపిస్తున్న వాదనలు.  వీటిలో కొంత వరకూ వాస్తవం ఉన్నప్పటికీ, అసలు విచారనే లేకుండా శిక్షల్ని నిర్ధారించడం అనేది , విచారణలో ఆలస్యానికి ఎప్పటికీ పరిష్కారం కాబోదు.  అట్లే,  నిష్పాక్షిక విచారణ ద్వారా, ఎంత తీవ్రమైన శిక్షలు విధించి అమలు చేసినా సమాజంలోని అన్ని వర్గాల వారు ఆమోదిస్తారనేదానికి  , ఇటీవల ఉరిశిక్షలు విధించ బడిన కసబ్, అఫ్జల్ గురుల కేసులే నిదర్శనం..
 ఫేక్ ఎన్ కౌంటరలను కూడా రాజకీయాలకి వాడుకోవడం ప్రస్తుతం నడుస్తున్న ట్రెండ్.  2002-06 మధ్య గుజరాత్లో జరిగిన 21   ఎన్ కౌంటర్లు ప్రస్తుతం వివిధ దశల్లో విచారణలో ఉన్నాయి.   వీటిలో చాలా వరకూ  నకిలీ ఎన్ కౌంటర్లేనని ఇప్పటికే నిరూపితమైంది. ఐనప్పటికీ ఆ  మరణించిన వారికి  ఎక్కడో , ఎవరితో నో లింకులున్నాయనే, నిరూపితం కాని విషయాల్ని  పదే  పదే వల్లె వేస్తూ,  అ నకిలీ ఎన్ కౌంటర్లు అంత తీవ్రమైనవి కావని, పైగా వాటిమీద విచారణలు కూడా అనవసరం అనే విధంగా కొన్ని  రాజకీయ పార్టీలు, బాధ్యత కల స్థానాల్లో ఉన్న వ్యక్తులు మాట్లాడుతుండటం  విస్మయం గొలుపుతుంది.   మాలేగావ్, అజ్మీర్, మక్కా మసీదు లాంటి పేలుల్లలో నిందితులుగా విచారణ నెదుర్కొంటున్న సాధ్వి ప్రగ్నాసింగ్,  అసిమానంద లాంటి వారిని కూడా ఇలాగే  నకిలీ ఎన్ కౌంటర్ చేస్తే, అప్పుడు కూడా వీరు ఇదే వాదనని వినిపిస్తారా అనేదానికి జవాబు అందరికీ తెలిసిందే.
రాజకీయ నాయకుల్ని ప్రసన్నం చేసుకోవడానికో,  ప్రమోషన్లకోసమో,  లేక మీడియాలో పబ్లిసిటీకోసమో చట్టాల్ని రక్షించాల్సిన పోలీసులే నకిలీ ఎన్ కౌంటర్లకి పాల్పడటం అత్యంత అనాగరికం.    ఇలాంటి నకిలీ ఎన్ కౌంటర్లకి పాల్పడిన  పోలీసులని హత్యానేరం కింద విచారించాల్సిందేనని  సుప్రీం కోర్టు అనేక సార్లు అభిప్రాయపడింది.  అట్లే సినిమాలు, మీడియా నకిలీ ఎన్ కౌంటర్లని గ్లోరిఫై చేయకుండా  దానినో చట్ట వ్యతిరేక చర్యగా ప్రచారం కల్పించాల్సిన అవసరం ఉంది. సినిమాల్లో, పొగతాగడం, మద్యం సేవించే సన్నివేశాలు వచ్చినప్పుడు , అది ఆరోగ్యానికి హానికరం అని కింద స్క్రోలింగ్ ఇస్తున్నట్లుగానే,   పోలీసు పాత్రలు నకిలీ ఎంకౌంటర్లకు పాల్పడుతున్న సన్నివేశాల్లో కూడా , అదో తీవ్రమైన చట్టవ్యతిరేక చర్యగా స్క్రోలింగ్ ఇవ్వాల్సిన అవసరం ఉంది. అప్పుడే 'నకిలీ ఎన్ కౌంటర్లను ' పూర్తిగా రూపుమాపడం సాధ్యమవుతుంది. 

నేను - సీమ - హైదరాబాదు!!!

నేను - సీమ - హైదరాబాదు!!!
మన జిల్లా పేరు ఏమిటి?
కడప జిల్లా.
మన రాష్ట్రం పేరు ఏమిటి?
ఆంధ్ర ప్రదేశ్.
మన రాష్ట్ర రాజధాని ఏది?
హైదరాబాద్.
ఏ క్లాసులో చదివానో గుర్తులేదు కానీ,  అలా మా పోరుమామిళ్ళ, ప్రభుత్వ పాఠశాలలోని, పూరి గుడిసెలో మొదటిసారిగా నాకు హైదరాబాదు పరిచయమైంది.  1980 దశకంలో పుట్టి,  తెలంగాణా,  ఆంధ్ర రాష్ట్ర అవతరణ, జై ఆంధ్రా ఉద్యమాల గురించి ఏమాత్రం తెలియక, మనది ఆంధ్ర ప్రదేశ్, హైదరాబాద్  'మన' రాజధాని అనే ఊహతో పెరిగి పెద్దవాల్లైన  అనేక మంది ప్రస్తుత యువకుల్లో నేనూ ఒకడిని.
"ఒరే పిల్లలూ , హైదరాబాద్,- దేశంలోని గొప్ప నగరాల్లో ఒకటి. అక్కడ  400 ఏళ్ళక్రితం నిజాం నవాబులు కట్టించిన, ఎత్తైన చార్మినార్ ఉంటుంది, దాని మీదికి ఎక్కి చూస్తే  హైదరాబాద్ మొత్తం కనిపిస్తుంది .    నగరం మధ్యలో  హుస్సైన్ సాగర్ అనే పేద్ద  చెరువు ఉంటుంది.  దాని మధ్యలో NTR పెట్టించిన బుద్ధవిగ్రహం ఉంటుంది.  అక్కడికి బోటులో వెల్లి రావచ్చు.  ఇంకా  సాలార్జంగ్ మ్యూజియం , పబ్లిక్ గార్డెన్స్, బిర్లా మందిర్ ఇలాంటివి చాలా ఉన్నై. మనం  వచ్చేనెలలో హైదరాబాదుకి ఎస్కర్షన్ కి వెల్తున్నాం.  ఒక్కొక్కరు 200 రూపాయలిస్తే ఇవన్నీ చూపిస్తాం. "  ఎప్పుడూ చిరాగ్గా మొఖం పెట్టుకుని, ఎవడ్ని ఏ కారణంతో వాయిద్దామా అన్నట్లుండే మా ప్రభుత్వ పాఠశాల లెక్కల మాష్టారు , ఆ రోజు ప్రశాంత వదనంతో హైదరాబాద్ గురించి చెప్తున్న విషయాల్ని  మైమరచి వింటున్న నాకు ,   ఆ చివరిమాట  మాత్రం  శరాఘాతం లా తగిలింది. 200 రూపాయలు ఎంత పెద్దమొత్తమో తెలీదు కానీ, మా నాన్న ఇవ్వగలిగినంత చిన్నది మాత్రం కాదని తెలిసుండటం వల్ల.  అలా  హైదరాబాదు మొదటిసారి నన్ను నిరుత్సాహ పర్చింది. తర్వాత  1999 వ సంవత్సరంలో గానీ, నాకు భాగ్యనగరానికి వెల్లే భాగ్యం కలగలేదు- అది కూడా ఎంసెట్ ఇంగినీరింగ్ కౌన్సిలింగ్ కోసం. అక్కడి అభివృద్ధినీ, కాస్మోపాలిటన్ కల్చర్ నీ చూశాక,  అక్కడే చదవాలని మనసులో  అనిపిస్తున్నా,   మా వూరి నుంచి రాను  పోనూ చార్జీలు మరియు సిటీ కాస్ట్ ఆఫ్ లివింగ్  లెక్కేసుకున్నాక, మాకు దగ్గర్లోనున్న నెల్లూర్లో ఐతే బాగుంటుందని అక్కడి కాలేజీ సెలెక్ట్ చేసుకున్నాను. 
కడప, నెల్లూరు  పేరుకు రెండూ జిల్లా కేంద్రాలే, పైగా పక్క పక్కనే ఉంటాయి. కానీ నెల్లూరు  అన్ని విధాలుగా  కడప కంటే చాలా అభివృద్ధి చెంది ఉంటుంది.    నెల్లూర్ లో B.Tech జాయిన్ ఐన కొత్తలో  మా కడప విద్యార్థులం  ఎప్పుడైనా ఓ చోట గుమికూడితే ఈ విషయం గురించి మాట్లాడుకునే వాల్లం.   కోస్తా వాల్లు బిజినెస్ మైండెడ్ అనీ అందుకే వాల్లు బాగా డెవెలప్ అయ్యారనీ, మా సీమ మనుషులు   సెంటిమెంట్స్ కే ఎక్కువ విలువనిస్తారనీ, వారికి కపటత్వం తెలీదనీ అందుకే  వెనుకబడి ఉన్నారనీ మాకు మేము చెప్పుకుంటూ,  కోస్తా వారి మీద వివిధ రకాల జోకులు కూడా వేసుకుని ఆనందిచేవాల్లం.  ఇదంతా సరదాకే కానీ,  కోస్తాలో సీమ కంటే ముందు జరిగిన విద్యాభివృద్ధీ, అక్కడ  బ్రిటీష్ వారికాలంలోనే  ఏర్పాటైన రవాణా సౌకర్యాలు, విస్తారమైన, సారవంతమైన  భూములు, తీర ప్రాంతం  లాంటివి  వారి అభివృద్ధికి ప్రధాన కారణాలని మాకు తెలీక కాదు.ఆత్మస్థుతి-పరనిందలో అదోరకం తృప్తి ఉంటుంది కదా.
తర్వాత BTech 3 వ సంవత్సరంలో ఉండగా మా సీనియర్ పెళ్ళికి అదిలాబాద్ వెల్లడం జరిగింది.  హైదరాబాద్ దాటి ఇతర తెలంగాణా జిల్లాల్లోకి వెల్లడం అదే మొదటిసారి. అప్పటిదాకా కోస్తాలోని అభివృద్ధితో పోల్చుకుంటూ, మా రాయలసీమ  వెనుకబడిందని ఇంఫీరియారిటీలో ఉన్ననాకు,   తెలంగాణా  సీమకంటే కూడా  చాలా వెనుకబడి ఉందని అర్థం ఐంది.   అట్లే అక్కడి ప్రజల నిరక్షరాస్యత, వ్యవసాయానికి తగిన నీటిపారుదల వసతులు లేకపోవడం వంటివి ఆ వెనుకబాటుకు కారణాలైఉంటాయని కూడా  అనిపించింది.
ఖర్చుకు భయపడి నెల్లూర్ లో జాయిన్  అయ్యాననే గానీ, మనసంతా హైదరాబాద్లోనే ఉండేది. ఎప్పుడెప్పుడు BTech ఐపోతుందా, ఎప్పుడెప్పుడు  హైదరాబాద్లో సాఫ్ట్ వేర్ జాబ్ సంపాదించి ఆ విశాలమైన  రోడ్లపై బైక్ వేసుకుని తిరుగుదామా అనిపించేది. మా ఇంజినీరింగ్ కాలేజ్ లోని అందరు విధ్యార్థుల ఆలోచనలూ దాదాపు హైదరాబాద్ చుట్టూనే తిరుగుతుండేవి, US గురించి ఆలోచించే కొందరు సంపన్నుల బిడ్డలకి తప్ప.
సరిగ్గా  అలాంటి సమయంలోనే,KCR తెరాసను స్థాపించారు.  తెలంగాణాలోని ఊరూ,వాడా మరియు అక్కడి యూనివర్సిటీలు తిరిగి సీమాంధ్రోల్లు అలాంటివారనీ, ఇలాంటివారనీ, దొంగలనీ, దోపిడీ దారులనీ ఏవేవో లెక్కలు చెబుతూ, వారివల్లనే  తెలంగాణా వెనుకబాటుకు గురైందని చెబ్తుండేవాడు .  ఆయన మాటలు మా రాయలసీమ విధ్యార్థులం  కోస్తా వారిమీద వేసుకునే  కుల్లు జోకుల్లానే ఉండేవి.   ఓ ప్రాంతం అభివృద్ధికి కావలసిన విద్యావకాశాలు, పారిశ్రామిక, రవాణా,   నీటిపారుదల సదుపాయాలు, అవి సమకూర్చుకునే రాజకీయ చైతన్యం లేక ఓ ప్రాంతం వెనుకబడి ఉంటే, దానికి ఇతరప్రాంతం ప్రజలు ఎలా కారణమవుతారో  అస్సలు అర్థమయ్యేది కాదు. సీమాంధ్రుల కుట్రలు  అంటూ కేసీఅర్  చెప్పే చారిత్రక  విషయాలు ఒక్కోసారి సహేతుకంగానే అనిపించినా.. ఆ మరునాడే లగడపాటి, ఉండవల్లి, తలసాని స్రీనివాస్ వంటి వారు ఇచ్చే  వివరణలు,  కేసీఆర్ పై చేసే ప్రత్యారోపణలతో  'కుట్ర  ' కధనాలు నిరాధారమిపించేది.  కానీ వీరిలో ఎవరి వెర్షన్ నిజమైనదని  తేల్చుకోవడానికి ఆ  డాక్యుమెంట్లను,  గణాంకాలను  తిరగేసేంత  ఓపిక, తీరిక ఎవరికీ ఉండేది కాదు. 
పైగా సీమాంధ్ర ఉద్దంఢులైన  వైయెస్సార్, చంద్రబాబు లాంటి వారు కూడా కేసీఆర్ తో  వేదికల్ని పంచుకోవడంతో  కేసీఆర్ యొక్క విభజనవాదం అంత ప్రమాదకరమైందిగా ఎప్పుడూ అనిపించలేదు.  డిసెంబర్ 9 ప్రకటన తర్వాత కానీ,  విభజన వాదం ఎంత తీవ్ర  స్థాయికి చేరుకుందో అర్థం కాలేదు.   అప్పటిదాకా మనదనుకున్న 'హైదరాబాద్ ' ఒక్కసారిగా పరాయిదవబోతుందన్న ఊహే చాలా కష్టంగా అనిపించింది.  అందుకే ఆ ప్రకటనకి వ్యతిరేకంగా ఉద్యమించిన లగడపాటి, జె.సి దివాకర్ రెడ్డి లాంటి  వారిని, ఇతర సమైక్యాంధ్ర విద్యార్థి నాయకుల్ని మనసారా అభినందిచాలనిపించింది.  మొత్తానికి డిసెంబర్ 23  ప్రకటన ద్వారా  తెలంగాణా ఏర్పాటును విజయవంతంగా అడ్డుకోగలిగారు కానీ,  దగా పడ్డామనే భావన తెలంగాణా మిత్రుల్లో మరింత బలంగా  నాటుకుపోఇందనే విషయం    అక్కడ జరిగిన అసంఖ్యాక విధ్యార్థుల ఆత్మహత్యల ద్వారా స్పష్టమైంది.  ఇక అప్పట్నుండి  మాకు జరిగిన అన్యాయాలకు ఆధారాలు అంటూ వారి లెక్కల్తో వారు,  అవి అన్యాయాలు కాదంటూ వీరి లెక్కల్తో వీరు- ఎవరి లెక్కలు వారివే, ఎవరి వాదనలు వారివే.  ఎవరూ ఎవరి వాదనల్నీ వినే పరిస్థితి లేదని తేలిపోఇంది.    మీడియాలో, బ్లాగుల్లో, TV  స్టూడియోల్లో అన్నిట్లో ఇదే తంతు.  అలాంటి పరిస్థితుల్లో  మొదట ఎంతో ఆశాజనకంగా కనిపించిన  శ్రీక్రిష్ణ కమిటీ కూడా  సీమాంధ్ర నేతల విందు రాజకీయాల కారణంగా  ఎందుకూ కొరగానిదిగా మిగిలిపొఇంది. తాము కుట్రలకు, దోపిడీకి గురయ్యామనే భావన తెలంగాణా వాదుల మనసుల్లోనుండి పూర్తిగా తీసివేయబడనంతవరకూ,  'కలిసిఉంటే ప్రయోజనాల '  పేరుతో ఎన్ని లాజిక్కులు మాట్లాడినా ఫలితం  ఉండదు.  అట్లే  మేము విడిపోతాము మొర్రో అనే వారితో,  కలిసిఉండాల్సిందే అని వాదించడం ఏ ప్రజాస్వామిక చట్టాల ప్రకారం చూసినా విరుద్ధమే.    అపోహలూ, అపవాదులూ తొలగిపోకుండా ప్యాకేజీలతో  సమస్యను మరికొంత కాలం పాటు కప్పిపుచ్చవచ్చేమో గానీ,  ఓ 20 ఏళ్ళతర్వాత   మరో నాయకుడు, మరో నినాదంతో ఉద్యమాన్ని తిరిగి తోడడన్న గ్యారెంటీ లేదు. కావున ఈ సమస్యను  విభజనతోనే  శాశ్వతంగా పరిష్కరించడం అవసరం.   కానీ ఆ విభజన ఎలా ఉండాలి అనేది మరో చిక్కు సమస్యగా  మారింది. ఈ విషయంలో రాయలసీమ 4 జిల్లాల పరిస్థితి రెంటికీ చెడ్డ రేవడిలా తయారైంది.  తెలంగాణాతో ఉంటామంటే వారు ఒప్పుకోరు.  కోస్తాతో ఉందామంటే,   అభివృద్ధిలో  ఇప్పటికే ముందంజలో ఉన్న  ఆ ప్రాంత ప్రజలతో పోటీపడలేక మరింత వెనుకబాటుకు గురవుతామేమోననే అభద్రతా భావం.  పోనీ ప్రత్యేక రాష్ట్రంగా మనగలుగుతామని కనీసం మాకు మేము కూడా గట్టిగా చెప్పుకోలేని  పరిస్థితి.కావున గుడ్డిలో మెల్ల లా రాయలసీమను రెండుగా విభజించే 'రాయల తెలంగాణా' ఒక్కటే కాస్త మెరుగైన పరిష్కారంగా తోస్తుంది.  దీనితో రాయలసీమ  తన అస్తిత్వాన్ని కోల్పోతుందనే వాదనలో వాస్తవమున్నప్పటికీ,   మనుగడ సాగించడానికి కావలసిన వనరులు లేనప్పుడు అస్తిత్వం గురించి అదే పనిగా మాట్లాడటం అత్యాశే అవుతుంది.ఇప్పటికే ఎడతెగని ఉద్యమం ఫలితంగా రాష్ట్రం చాలా రకాలుగా నష్టపోతుంది. ఒకప్పుడు ITలో  దేశంలో మూడవ స్థానంలో ఉన్న హైదరాబాద్  క్రమంగా కిందికి జారుతుంది. గత కొన్ని సంవత్సరాలలో హైదరాబద్ లో చెప్పుకోదగిన పెద్ద కంపెనీ ఒక్కటీ  స్థాపించబడలేదు.  మంచి జీతం కావాలంటే చెన్నైకో, బెంగులూరుకో వెల్లక తప్పదనే పరిస్తితి ప్రస్తుతం నెలకొని ఉంది.    ఎద్దు పుండు కాకికి ముద్దన్నట్లుగా  ఉద్యమం మాటున మతతత్వ వాదులు తమ ప్రాబల్యం పెంచుకుంటూ పోతున్న సూచనలు భీతిగొలుపుతున్నాయి.   కావున సమస్య మరింత జటిలమై రాష్ట్రం మరింత సంక్షోభంలోకి  నెట్టివేయబడకముందే  దీనిని శాశ్వతంగా పరిష్కరించుకోవడం  అందరికీ ఉత్తమం.

ఈ రోజు ఆంధ్రజ్యోతిలో వచ్చిన అద్భుత వ్యాసం..

విశ్వరూపం గురించి( ఇంగ్లీష్ లో)

what is the movie about?
mainly its about Taliban terrorism targeting Americans. Hero is a RAW agent, who is helping FBI in dismantling terror networks.(RAW agent working for FBI.. hhmm but why..? is RAW more efficient than FBI..? Dont ask such logical questions. :)
How is the movie?
watchable once. gripping screenplay, with very little comedy.. on overall its a good suspense thriller
Is it about Muslims?
yes. but its about afghan Muslims, their lives, problems and about their association with terrorism.
Is anything wrong in the depiction of Muslims/Islam in the movie..?
who can say the depiction is wrong, when bomb explosions killing many innocents has become a routine activity in Pakistan and Afghanistan these days. Terrorism is a undeniable fact in some part of Muslim world, but the origin of this terrorism is not Islam, rather its because of the power politics of west. This movie shows only the effects of terrorism and not the origins. But no one can blame the director for not showing the origin, as its his pejorative about what to show and what not.
Then what is the controversy about its release in India?
The controversy is only in Tamil Nadu. there were demonstrations in other states too initially, but the respective state govts didn't take them seriously so the move got released and now running smoothly.
why TN took it seriously..?
Its well known fact that, AIDMK is going to have a tie-up with NDA after 2014 elections and its even going to support Mr.Modi as prime minister, an Idea which the minorities and mostly Muslims hate. So, Jayalalita govt is trying to do some balancing act now by banning this movie. probably she wants to show that she care for Muslims too, in this way.
Does the ban do any good to Muslims?
Absolutely NOT. these types of bans undermines democracy and free speech. These are a must for the survival of minorities, in multi-cultural societies.
What should Muslims do..?
ISLAM has a 1400 years of history and spawn across many geographic locations. Saying that- a 2.5 hour movie can harm Islam is meaningless. Its the 'narrow mindedness' and anti-democratic acts of Muslim's that harm ISLAM and not any movies/books etc. So, support Kamal Hassan and let the movie play.

అందుకే, హిందూ చదవమనేది..

"ఇద్దరు భారత సైనికుల్ని హతమార్చి, వారి తలల్ని తీసుకెల్లిన పాక్ దళాలు"- ఇది నిన్న దేశవ్యాప్తంగా అన్ని వార్తా పత్రికలలో ప్రముఖంగా వచ్చిన వార్త. అమాయకులైన మన సైనికులని, పాక్ దళాలు మన భూభాగంలోకి చొరబడి, నిర్ధాక్షిన్యంగా చంపడమే కాకుండా, రాక్షసంగా వారి తలల్ని కూడా తీసుకెల్లిన వైనాన్ని మన ఈనాడు లాంటి పత్రికలు కథలుకథలుగా వర్ణించాయి. ఆ కథనాలు చదివిన భారతీయులు ఎవరికైనా బాధ, ఉక్రోషం, ఏహ్యభావం కలగక మానవు. ఈనాడు, టైంస్ ఆఫ్ ఇండియా లాంటి పత్రికల ఆన్లైన్ ఎడిషన్లలో ఈ న్యూస్ కింద వున్న వందలాది రీడర్ కామెంట్లు చదివితే, ఈ వార్త చదువరుల్ని ఎంతగా కలిచివేసిందో, ఎంతగా రెచ్చగొట్టిందో ఇట్టే అర్థమవుతుంది. అమేరికా లాడెన్ ని హతమార్చినట్లుగానే, మనం కూడా విమానాల్తో కాల్పులు జరిపి  ప్రతీకారం తీర్చుకోవాలని చెప్పే వారు కొందరైతే, పాకిస్తాన్ పై ఇక ఏమాత్రం పై ఆలస్యం చేయకుండా అణుబాంబుల్ని వేయాల్సిందేనని తీర్మానించే దేశభక్తులు మరికొందరు. పనిలో పనిగా, ఇటలీనుండి వచ్చిన సోనీయాగాంధీ వల్లనే ఇలా జరిగిందనీ, అదే మోడీ లాంటి నిఖార్సైన భారతీయుడు ప్రధాని ఐతే ఇలా జరగదనీ శవాలపై చిల్లర ఏరుకునే టైపు వారు మరికొందరు. సరే, ఈ  విషయాన్ని THEHINDU ఎలా కవర్ చేసిందో చూద్దాం. 
దానికి సంబంధించిన లింక్ - ఇక్కడ

ముఖ్యంగా హిందూ పత్రిక చెప్పేదేమంటే, ప్రస్తుత వివాదం ఒక్కసారిగా, పాక్ సైనికులు మన సైనికుల్ని హతమార్చడంతో మొదలైంది కాదు. ఒక చిన్న సంఘటనగా సుమారు 3 నెలల క్రితం మొదలైన పరిణామాలు, తరువాత ఇరువైపుల నుండి కవ్వింపు చర్యలు, చెదురుమదురు కాల్పులు జరిగి ఓ వారం క్రితం భారత సైన్యం చేతిలో ఓ పాక్ సైనికుడు మృతి, అనంతరం పాక్ సైనికులు మన భారత సైనికుల్ని హతమార్చడం వరకూ జరిగింది.  వారం క్రితం భారత సైన్యం చేతిలో పాక్ సైనికుడు మృతిచెందగా దీనిపై పాక్ ప్రభుత్వం  తన అసంతృప్తిని భారత్ కి తెలియజేసిన వార్తను, కేవలం THE HINDU మాత్రమే ప్రచురించిన విషయం ఇక్కడ గమనార్హం. మిగతా జాతీయ పత్రికలేవీ దీనికి ప్రాముఖ్యం ఇవ్వలేదు, ఇక మన ఈనాడు లాంటి పత్రికల గురించి ఐతే చెప్పక్కర్లేదు.  సరే , ఈ వార్త క్రింద కూడా రీడర్ కామెంట్లు ఉన్నాయి. వాటిని ఓ సారి చూడండి- అణుబాంబు, యుద్ధం, ప్రతీకారం లాంటి (దురా)ఆవేశ  కామెంట్లు ఇక్కడ కనబడవు. సమస్యను ఇంకా పెద్దది చేయకుండా ఇరు వర్గాలు సమ్యమనం పాటించి ఇలాంటివి భవిష్యత్తులో జరగకుండా  ఇరు వర్గాలు శాంతి చర్చలకు పాల్గొనాలనే టైపు పాజిటివ్ దృక్పదంతో కూడిన మెచ్యూర్డ్ కామెంట్లు మాత్రమే ఇక్కడ కనిపిస్తాయి.     
ఈ ఒక్క విషయమే కాదు. ఇండియా-చైనా యుద్ధమైనా, అస్సాం మతకలహాలైనా, శ్రీలంకలో హింసాత్మక ఉద్యమమైనా, చార్మినార్ పక్కన దేవాలయ నిర్మానమైనా.... THEHINDU ఎప్పుడూ వాస్తవాలకీ , మానవ హక్కులకి ప్రధాన్యమిస్తుందే గానీ, కుహన దేశభక్తికీ,  ఆత్మస్థుతి-పరనింద లకు  పాల్పడదు. ఈ విషయం అనేక సార్లు నిరూపితమైంది. కాబట్టి, అసంబద్ధ, దురావేశాల ప్రవాహంలో కొట్టుకుపోకుండా, సమ్యమనం, సౌభ్రాతృత్వం ల ప్రాతిపదికన అభిప్రాయాల్ని ఏర్పరచుకోవాలనుకునే వారందరూ , THEHINDUని క్రమం తప్పకుండా చదవవలసిన అవసరం ఉంది.  

2వ రోజూ కొనసాగిన 'హిందూ' పత్రిక ఎదురీత

కేవలం అసత్యాల్ని ప్రచారం చేసుకోవడం ద్వారా జనాల్ని కూడగట్టుకుని తమ పబ్బం గడుపుకునే అతివాద దళాల పనితీరు ఎలా ఉంటుందంటే.. వీరు ఎవరినైనా బ్రైన్ వాష్ చేసి ఓ 10 పాయింట్లు చెబితే, వాటిలో పదవ పాయింట్ తప్పనిసరిగా ఇలా ఉంటుంది.-  "పై తొమ్మిది పాయింట్లలో ఎవరైనా ఏ ఒక్క పాయింట్ నైనా తప్పని చెబితే వారు మన గ్రూపుకి వ్యతిరేకి కింద లెక్క. కాబట్టి అలాంటి వారి మాటల్ని నువ్వు నమ్మకు. వారు ఎన్ని ఆధారాల్ని చూపినా పట్టించుకోకు" 
ఇది కూడా నాజీల నుండి నేర్చుకున్న విద్యే. దీనికి మంచి ఉదాహరణ రోమీలా థాపర్. భారత దేశ ఉపఖండ చరిత్ర గురించి ఈవిడ రాసిన  రీసర్చ్ పుస్తకాలు, అనేక దేశ,విదేశ ప్రముఖ యూనివర్సిటీల్లో రెఫరల్ బుక్స్ గా ఉన్నాయి. విద్యా రంగంలో ఈవిడ సేవకు గుర్తుగా భారత ప్రభుత్వం పద్మ భూశన్ అవార్డు ప్రకటించినా, విద్యాసంస్థలుఇచ్చే అవార్డులు తప్ప ప్రభుత్వాలు ఇచ్చే అవార్డులేవీ తాను స్వీకరించనని ఈవిడ ఆ అవార్డును తీసుకోలేదు. అది ఆవిడ నిబద్ధతకు నిదర్శనం. కానీ మన అతివాద హిందూ గ్రూపులు మాత్రం ఆమెను హిందూ వ్యతిరేకిగా తీర్మానించేసి, హిందువులెవరూ ఆమె పుస్తకాల్ని చదవరాదని నిర్దేశిస్తుంటాయి. ఎందుకంటే, జనాల్ని కూడగట్టడానికి ఈ అతివాద గ్రూపులు చెప్పుకుంటూ తిరిగే చారిత్రక కథనాలు ఎంత అవాస్తవమో,అసంబద్ధమో ఈమె సోదాహరణంగా ఆవిడ పుస్తకాల్లో వివరిస్తారు కాబట్టి.
ఇదంతా ఎందుకు చెప్పాల్సి వస్తుందంటే,  నిన్న హిందూ పత్రికలో ప్రచురితమైన చార్మినార్ పాత చిత్రం పై కొందరు వివిధ రకాల అణుమానాలు వ్యక్తం  చేశారు. హిందూ పత్రిక కావాలనే హిందువులకు వ్యతిరేకంగా రాస్తుందనీ, ఆ ఫోటో పైంటింగ్ లా ఉందనీ ఇలా.. దేశంలో వివిధ పత్రికల గురించి కనీస నాలెడ్జ్ ఉన్నవారెవరికీ, ఒక సారి హిందూ లో ఓ వార్త వచ్చాక  దానిపై ఇక అణుమానం ఉండదు. 'హిందూ' నిబద్ధత, ఆ పత్రిక పాటించే విలువలూ అలాంటివి. ఐనా సరే,  హిందూ పత్రిక అలా అణుమానించే వారి వ్యాఖ్యల్ని కూడా ప్రచురించి , వారి అణుమానాల్ని నివృత్తి చేసే ప్రయత్నం చేసింది. దీనిలో భాగంగా ఈ సారి పక్కా డేట్స్ తొ కూడిన  4 ఫోటోలను ప్రచురించింది. దాని లింక్ ఇక్కడ

ఈ ఫోటోల్ని కూడా అణుమానించే వారు, నకిలీవని వాదించే వారు ఉంటారనే దాంట్లో సందేహం లేదు. కొందరికి కొన్ని నమ్మడంలో, కొన్ని నమ్మక పోవడంలో ఓ రకమైన కంఫర్ట్నెస్ ఉంటుంది. 
నిన్న నేను రాసిన పోస్టుకి స్పందనగా నాకు కూడా వివిధ రకాల కామెంట్లు వచ్చాయి. కొందరు ముస్లింలు పడగొట్టిన గుడుల లిస్టు అంటూ ఏవో కొన్ని లింకులు కూడా పంపారు. చార్మినార్ పక్కన ఇంతకు ముందు లేని గుడి ఇప్పుడు రావడానికి, చరిత్రలో ముస్లిం రాజులు కూలగొట్టిన గుడులకు మధ్య సంబంధం ఏమిటో అర్థం కాదు. "వారు అన్ని కూలగొట్టారు కదా, మనం కనీసం ఇదన్నా కూలగొడదాం"  అని వారి ఉద్ధేశ్యం కావచ్చు. చరిత్రలో అసత్యాల్ని అర్థ సత్యాల్ని తలకెక్కించుకున్నాక, ఇలాంటి ఆలోచనలు రావడం సహజమే.  చరిత్రలో ఎక్కడ చూసినా ఆధిపత్యం కోసం, ఒక జాతి/వర్గం పై దాడులు/ప్రతిదాడులకి దిగడం, గెలిచిన వర్గం ఇతర వర్గం వారి సంస్కృతిని నాశనం చేయాలని చూడడం అనేది ఏ ఒక్క మతానికో, సమూహానికో పరిమితం కాదు. మంగోలులు,క్రైస్తవులు,ముస్లింలు,బుద్ధులు ఇలా అందరూ ఈ దారుణాలకు పాల్పడినవారే. చివరికి హిందూ మతం వ్యవస్థీకృతం కాకముందు వేరువేరుగా ఉన్న వైష్ణవులు,శైవులు, బుద్ధుల మధ్య కూడా ఇలాంటి దాడులు అనేకం జరిగాయి. హైదరాబాద్, అశోక్ నగర్లో, పుస్తకాల షాపుల్లోని సివిల్స్ ,గ్రూప్-1,2 లకి సంబంధించిన ఏ చరిత్ర పుస్తకం చూసినా వీటికి సంబంధించిన,  వివరాలు కావలసినన్ని దొరుకుతాయి.  (ఏ దేవాలయం శైవం నుండి వైష్ణవానికి మార్చబడింది, ఆ రాజు పేరు ఏమిటి లాంటివి గ్రూప్స్  లో ఇంపార్టెంట్ ఏరియాస్ ) . ఇలా చరిత్రను పూర్తిగా తెలుసుకోకుండా, మనకు అన్యాయం జరిగిందహో అని నినదించే  కపట రాజకీయ నాయకుల ఉపన్యాసాలో, వారి తలా తోకా లేని లింకులో పట్టుకుని, ఆవేశంతో ఊగిపోవడం వారితో పాటు సమాజానికి కూడా మంచిది కాదు.-జై హింద్

తెలుగు మీడియాకి ఇది పబ్లిష్ చేసే దమ్ము/నిజాయితీ ఉందా..?

ఈ రోజు హిందూ పత్రిక మొదటి పేజీలో వచ్చిన ఫోటో మరియు వార్త ఇది..
60 ఏళ్ళక్రితం తీసిన పాత చార్మినార్ పోటోకి ఇప్పటి ఫోటోకి ఉన్న తేడా స్పష్టంగానే కనబడుతుంది.

అప్పుడు లేని గుడి ఇప్పుడు అక్కడికి ఎలా వచ్చింది? ఒక చిన్న రాయిగా మొదలైన నిర్మాణం ఇప్పుడు ఓ స్పష్టమైన గుడి రూపాన్ని సంతరించుకుంది. ఇది క్రమంగా విస్తరిస్తుంది. దీని వెనక ఎవరున్నారు.? సగటు హిందువులెవరికీ ఇలాంటి విషయాలపై ఆసక్తి ఉండదు. ఇలాంటి వివాదాల్ని ఉపయోగించుకుని లబ్ధిపొందాలనుకునే రాజకీయ రాబందులే ఇలాంటివి సృష్టిస్తుంటారు. ఇది ఆల్రెడీ ఓ సారి నిరూపితమైంది.
బట్ట కాల్చి ముఖాన వేయడం:
రాయలసీమలో ఒక సామెత ఉంది. అది బట్టకాల్చి ముఖాన వేయడం. ఎవరి ముఖంపై అయినా బట్టకాల్చి  వేస్తే ముఖం కాలిపోతుంది. దానిని తీసేద్దామని ప్రయత్నిస్తే ఆ మసి అతని చేతులకి అంటుకుంటుంది. ఆ బట్ట వేసిన వ్యక్తిని ఎందుకు అలా చేశావని అడిగితే- నేను వేయలేదు, అతనే వేసుకున్నాడు, కావాలంటే అతని చేతులకి మసి ఉంది చూసుకోండి అంటాడు. ఇప్పుడు పాతబస్తీ ముస్లింలది ఇదే పరిస్తితి. తమ చారిత్రక వారసత్వానికి గుర్తుగా 4 శతాబ్ధాలనుండి ఠీవిగా నిలబడి ఉన్న చార్మినార్ పక్కనే ఇప్పుడు ఓ గుడి వెలుస్తుంది. దానిని చూసి ఆవేశంలో 4 రాల్లు వేస్తారు. మరుసటి రోజు మన తెలుగు పేపర్లలో  మొదటి పేజీలో ఈ ఘటనల గురించి వార్తలు వస్తాయి. "పాతబస్తీలో అల్లరి మూకల విధ్వంసం"  అని. ఆ పక్కనే కిషన్ రెడ్డి, వెంకయ్యనాయుడు వంటి వారి ఖండనలు.  మరి దీనికి కారణమైన వారు ఎవరు, ఎవరి ప్రొద్బలంతో అక్కడ గుడి నిర్మానం జరుగుతుంది లాంటి వివరాల జోలికి మన తెలుగు పేపర్లు వెల్లవు. ఎందుకు వెల్లవంటే..  మెజారిటీ పాఠకులకి ఇలాంటి వార్తలు నచ్చవు కాబట్టి, దీనినే మెజారిటీ అప్పీస్మెంట్ అంటారు.
ఈ వివాదం భవిష్యత్తు ఎలా ఉండబోతుంది.
ఇది ఊహించడం పెద్ద కష్టం కాదు. ఎందుకంటే మన అతివాద హిందూ గ్రూపులు ఫాలో అయ్యేది ఒకప్పటి హిట్లర్ వ్యూహాలనే.( మన దేశభక్త బాల్ థాకరే హిట్లర్ కి వీరాభిమాని అనే విషయం తెలిసిందే కదా) వీరి వ్యూహాల్లో మొదటిది- నిజాల్ని నాశనం చేయడం, అబద్ధాల్ని పదే పదే ప్రచారం చేసి వాటినే నిజాలుగా నమ్మించడం. ఈ పని కోసం హిట్లర్ ఏకంగా ఓ మంత్రిత్వ శాఖనే ఏర్పాటు చేశాడు, దానికి అధిపతిగా గోబెల్ ని నియమించాడు.)
ఇక మన చార్మినార్ కి సంబంధించి గోబెల్స్ ప్రచారం ఇలా ఉండబోతుంది.
1. అక్కడ చార్మినార్ కన్నా ముందునుండే  దేవాలయం ఉండేదని, దానిని కూలగొట్టి ముస్లిం రాజులు చార్మినార్ నిర్మించారని ప్రచారం చేస్తారు.     
2. ప్రతి పండుగకి అక్కడికి జనాలని అసంఖ్యాకంగా తరలించి అక్కడ చాలా మహిమలున్నాయనీ, అక్కడ దర్శించుకుంటే కోర్కెలు తీరుతాయని ప్రచారం కల్పిస్తారు.
3. భక్తుల ముసుగులోనే ఈ కుట్రదారులు కూడా వెల్లి అప్పుడొక ఇటుక,అప్పుడొక ఇటుక తో నిర్మానాన్ని క్రమంగా విస్తరిస్తారు. దీనిని అడ్డుకోవడానికి ప్రభుత్వం ప్రయత్నిస్తే, "ప్రభుత్వం ముస్లింలకి కొమ్ముకాస్తూ, హిందువుల్ని కనీసం దేవాలయాలకు కూడా వెల్లనీకుండా చేస్తుందని, BJP మరియు ఇతర ధార్మిక సంస్థల ప్రతినిధులూ ఊరూ వాడా తిరిగి నెత్తీ నోరూ బాదుకుంటారు. వీరి ఆక్రోశాన్నిపత్రికలు మొదటిపేజీలో ప్రచురిస్తాయి.
4. ముస్లింల ఓట్లు మహా అంటే 15 శాతం, అవి కూడా చాల వరకూ MIM కే వెల్తాయి, కానీ హిందువుల ఓట్లు సుమారు 80%, కాబట్టి ఏ ప్రభుత్వం కూడా ' హిందూ వ్యతిరేకి అనే విమర్శని తట్టుకోని నిలబడలేవు. కాబట్టి ప్రభుత్వాలేవీ వీరిని నిలువరించే ప్రయత్నం చేయవు. పైగా ప్రస్తుతం ఉన్న కిరన్ కుమార్ రెడ్డి లాంటి ఎప్పుడు ఊడుతుందో తెలీని, అసమర్థ నాయకత్వం ఉంటే ఇక వీరి ఆగడాలు వేగవంతం అవుతాయి.  
ఈ వివాదం వల్ల లాభ నష్టాలు- ఎవరికెంత..?
ఈ వివాదం వల్ల BJP,MIMలు ప్రజల్ని మతాల వారిగా విభజించి, తమ వర్గం వారి ఓట్లను గంపగుత్తగా పొందే అవకాశం ఉంది. ఈ విధంగా అత్యధికంగా లాభపడేది- BJP
ఇలాంటి విషయాల్లో TDP,కాంగ్రెస్ లాంటి పార్టీలు ఏ వర్గాన్ని నొప్పించకూడదని తటస్థంగా ఉండటానికి ప్రయతించి దారునంగా విఫలమవుతాయి. కాబట్టి  భవిష్యత్తులో వీటి మనుగడ ప్రశ్నార్థక మవుతుంది.